|
Scheffler Aktuarieel is `n onafhanklike aktuariële firma
wat spesialiseer in die bepaling van onderhoudseise
teen boedels.
Omdat ons op onderhoudseise konsentreer,
aanvaar ons ongelukkig nie opdragte vir byvoorbeeld
MVA-eise of pensioenfondswerk nie.
Ons firma en sy voorganger
het reeds meer as 20 jaar se praktiese ervaring in die
bepaling van onderhoudseise.
Onderhoudseise is `n baie praktiese
wetenskap. Minderjariges se eise word nie deur ‘n
wet gereguleer nie, dit word volgens gemeneregbeginsels
opgestel.
Vir langslewende gades se eise is daar `n
Wet, maar die Wet is net twee bladsye lank en gee
geen leiding oor hoe `n eis bereken moet word nie. Dit
spesifiseer slegs wat in aanmerking geneem moet word.
Daar is dus heelwat ruimte vir professionele oordeel.
Met ons jarelange ondervinding van letterlik honderde
eise is ons as spesialiste in di veld in die ideale
posisie om in enige omstandighede `n billike eis te
kan opstel en motiveer.
Ons bereken dus nie bloot die bedrag
van eise nie, maar kontroleer dat die inligting wat
ons ontvang steekhoudend en sinvol is. Daarna skryf
ons `n verslag met behoorlike motivering vir wat ons
aanbeveel.
|
